أبد مابي أزعلكم
15 يوليو 2010
قصيده وليدة اللحظه كتبتها بعد صدور اخر قرار حتى هذه اللحظه بزيادة اسعار البترول والديزل في الامارات
|
أبد مابي ازعلكـم ,, ضعنـا يا شعب زايـد
ترا لو بيننـا زايـد كان بيرضى بهالحـال؟
|
|
زيادات و غلا وبترول , والخافـي تـرا جايـد
وأجانب حيل يزاحمونـا فالمنصـب وفالمنـزال
|
|
خبزنا زايـد ٍ فلسـه ,, علـى لقمتنـا فوايـد !
أمورنا كلهـا تسـري بهالصـوره وهالمنـوال
|
|
وعلى كثر العطا والخير نعاني بطـش وشدايـد
ترا بقلبي حكي وايد ,, ( جريمه يالحكي تنقال ) !
|
|
حكومتنا الرشيده ويـن ! ترانـي لحلهـا رايـد
وأبي اسمع سبايبهم ,, ( ابيني اقتنع بالحـال ) !
|
|
وأنا ودي بس اسألهم ,, خيرنا منهو له عايـد ؟
إذا ما هو لنا هالخير عيل منهو سعيـد الفـال ؟!
|
|
خير بلادنا بـرع ! علـى كـل الـدول سايـد
عسى الله يحفظ شيوخ ٍ كرمهـم غـارق ٍ همـال
|
|
وحنا نطمح بخيـر ٍ شـرا خيـر زايـد ٍ زايـد
تـرا بترولنـا وايـد ! عسـى بترولنـا لا زال
|
|
حكومتنا ,, حكومتنا ,, حكومتنا
|
|
يا بو سلطان , يابن زايد يا خيرا ً من ألف قايـد
عشمنا في سعادتكـم ابـد مـا ثـاره أي جـدال
|
|
نبي ديزل نبـي بتـرول نبيهـم دووون فوايـد
نبيهم دون زيادات ٍ ,, نبي هالأمر بس ينشـال !
|
|
فنظـرة ميسـرة ٍ سِيِـدي أملنـا فيهـا يتزايـد
تخفف من غلا عيشة تكاد إنهـا تصيـر محـال
|
|
ترا حكي الشغب والفوضى حكي ٍ ماهـو بفايـد
لذا نرجوا سعادتكم بوضـع حـل ٍ لنـا فالحـال
|
